Hos 7 | Ndebele | STEP | Lapho bengingelapha uIsrayeli, khona isiphambeko sikaEfrayimi sembulwa, lobubi beSamariya ; ngoba benza amanga, lesela liyangena, leviyo labaphangi liyaphanga ngaphandle.

Hosea 7

1 Lapho bengingelapha uIsrayeli, khona isiphambeko sikaEfrayimi sembulwa, lobubi ^a beSamariya ^b; ngoba benza amanga, lesela liyangena, leviyo ^c labaphangi liyaphanga ^{▼▼ liyaphanga, Heb liyahlubula.
,} ^{e
,} ^f ngaphandle. 2 Njalo kabangatsho enhliziyweni yabo ukuthi ngiyabukhumbula bonke ububi ^g babo. Khathesi izenzo zabo ^h zibahanqile, ziphambi ⁱ kobuso bami.

Ububi bukaIsrayeli lokuhlamuka kwakhe

3 Bayayithokozisa ^j inkosi ngobubi ^k babo, leziphathamandla ngamanga ^l abo. 4 Bonke ^m bayafeba; banjengeziko elibaselwa ngumphekizinkwa, oyekela ukukhwezela ⁿ umlilo kusukela ekuxoveni ^o inhlama kuze kube sekubileni kwayo. 5 Kulusuku lwenkosi ^p yethu; iziphathamandla ziyigulise ngokutshisa kwewayini ^q; yelulela isandla sayo kanye labaklolodayo. 6 Ngoba zalungisa ^r inhliziyo yazo njengeziko ^s ngokucathamela kwazo ^t; umphekizinkwa wazo ^u ulala ubusuku bonke; ekuseni ^{v
,} ^w libhebhe njengomlilo olelangabi. 7 Zonke ziyatshisa njengeziko; zidle abehluleli bazo; amakhosi azo wonke ^x awile ^y; kakulamuntu ^z phakathi kwazo ongibizayo. 8 UEfrayimi yena uzihlanganise ^aa lezizwe; uEfrayimi uliqebelengwana elingaphendulwanga. 9 Abezizwe ^ab badla amandla akhe, kodwa ^ac yena kazi. Yebo, inwele ezimpunga zihlakazekile ^ad phezu kwakhe, kodwa ^ae yena kazi. 10 Lokuzigqaja ^af kukaIsrayeli kuyafakaza ebusweni bakhe, kodwa kababuyeli ^ag eNkosini uNkulunkulu wabo, kabayidingi ngakho konke lokhu.

11 Njalo uEfrayimi ^ah unjengejuba eliyisiphukuphuku ^ai elingelangqondo; bakhalela ^{aj
,} ^{ak
,} ^al iGibhithe, baye ^{am
,} ^an eAsiriya. 12 Lapho behamba ngizakwendlala ^ao imbule lami phezu kwabo, ngibehlise njengenyoni zamazulu, ngibajezise ^ap njengokwezwakala ^aq ebandleni labo. 13 Maye kubo, ngoba babalekile kimi! Incithakalo ^{ar
,} ^as kubo, ngoba baphambukile bemelene lami. Lanxa mina ^at bengingabahlenga, kube kanti bona baqamba ^au amanga bemelene lami. 14 Kabakhaleli-ke ^av kimi ngenhliziyo yabo, lapho beqhinqa isililo emibhedeni ^aw yabo; babuthana ngenxa yamabele lewayini elitsha ^ax, bayaphambuka bemelene lami. 15 Lanxa mina ngibalaya ^ay ngiqinisa ^az izingalo zabo, kanti baceba okubi bemelene lami. 16 Bayaphenduka kodwa kunge koPhezukonke ^ba; banjengedandili ^bb elikhohlisayo; iziphathamandla zabo ziwa ngenkemba ngenxa ^bc yentukuthelo yolimi lwabo. Lokhu kuzakuba yinhlekisa yabo elizweni ^bd leGibhithe.